ВикиШкола Сәләт/tt

См. также: w:tt:Википедия:Сәләт ВикиМәктәбе

Сәләт ВикиМәктәбе эмблемасы

«UG TAT» эмблемасы

Көз-2019  • Җәй-2019  • Яз-2019  • Көз-2018  • Яз-2018  • 2016-2017 уку елы

“	...Җилкендереп йөрәкләрне, Ашкын дустым бөеклеккә, Еллар үтеп, кешелекне Өйрәт син изгелеккә...	”
— Сәләт гимны

“	Күз алдыгызга һәрбер кеше барлык булган гыйлемгә ирекле рәвештә ирешә алган бер дөньяны китерегез. Гамәлләребез нәкъ шуңа юнәлгән.	”
'— Викимедиа фонды карамагындагы барлык проектлар өчен иң югары идеал тасвирланмасы'

Оффлайн очрашулар

Бу проект чикләрендәге төп оффлайн викиочрашулар Сәләт Йортында (Казанның Вахитов районы, Островский ур., 23 нче йорт) шимбә көннәре, гадәттә, сәгать 14:30-15:30 арасында уза.

Кораллар

Һәрбер катнашучының булырга тиешле кораллар:

1. татар теле клавиатура раскладкасы (төймәсары) урнаштырылган ноутбук-санак булуы көтелә (Сәләт IT үзәге тәэмин итә), кимендә — татар раскладкалы планшет-санак яки смартфон
   • Android өчен
     • Multiling клавиатуралар кушымтасы һәм аның татар раскладкасы яки
     • SwiftKey Keyboard.
2. Wi-Fi яки мобиль интернет (инструктор смартфоныннан hotspot оештыра ала)
3. Теркәлгән Викимедиа хисап язмасы (теркәлү турында)
4. Тышкы чараларда:
   • Вики-экскурсия яки экспедицияләргә — сыйфатлы фотоаппарат, кимендә смартфон
   • Вики-семинар яки конференцияләргә — тәҗрибәсе буенча әзерләнгән презентация (Россиядә русча, чит илләрдә инглизчә)

Төп элементлары

“	Әнә килә автомабиль,төягәннәр сарымсак Үзебез дә гырамотный — тулы программаны укып чыгарбыз, теләсәк...	”
— {{{3}}}

Сәлкешләргә файдалы булган кораллар белән таныштыру, аларны куллану сәләтләрен үстерү:

• Дөньяның бар белемен тәртипле килеш тасвирлаган Викимәгълүмат ирекле мәгълүмат базасы мөмкинлекләре
• Википедиянең иң югары стандартларына туры килүче энциклопедик мәкаләләр язарга өйрәтү
• белем бирү өчен файдалы булган ирекле мультимедиа файлларын Викиҗыентыкка йөкләү
• аерым темалар буенча ирекле дәреслек һәм белешмәлекләр язуга багышланган Татар Викикитабы мохите белән танышу
• журналистика белән кызыксынганнарга Татар Викихәбәрләре мохитендә тәҗрибә туплап, чын хәбәрче таныклыгын алу мөмкинлегеннән файдалану
• һәм башкалар

Сәлкешләргә моннан ни?

• Үз проектларыгызны популярлаштыру өчен иң нәтиҗәле платформалардан берсенең ничек эшләве белән танышу
• Тормыш буе белем алу көтелгән чорда белем дөньясында кайнауның иң кызыклы һәм җиңел юлын үз итү
• Виртуаль мохиттә күпкатнашучылы такым проектларында нәтиҗәле хезмәттәшлек өчен кирәкле белем үзләштерү
• Россиякүләм, Үзәк һәм Көнчыгыш Аурупа регионы һәм бөтендөнья бәйгеләре, фәнни-гамәли конференцияләр, семинарлар һәм башка вакыйгаларда катнашу мөмкинлекләре
• Дөньякүләм гыйлем гаиләсенә кушылу, бөтен регионнарда һәм илләрдә ярдәмгә әзер булган ышанычлы контактлар челтәрендә катнашу, яңа дуслар табу
• Татар теле һәм дөньясы, яшәгән регион, илегез һәм бөтен кешелекнең киләчәген үз кулларына алырлык шәхесләр даирәсенә керү
• һәм башкалар

Проект турында

Проект w:tt:Җәүдәт Сөләйманов өндәве һәм Сәләт Фондының кызыксынуы сәбәпле Викимедиа хәрәкәтенең Татарча язучы викимедистлар төркеме вәкилләре белән гамәли белем бирү мәсьәләсендә хезмәттәшлектә үсә.

Максат һәм бурычлар

Проектның максаты:

• Сәләт хәрәкәтендә катнашучы сәләтле балаларны һәм талантлы яшьләрне “Викимедиа” замана белем платформасы белән таныштыру һәм аның мөмкинлекләрен куллануны өйрәтү.

Проектның бурычлары:

1. Сәләт хәрәкәте вәкилләрен үз проектларында Вики-мохит биргән мөмкинлекләрне куллана алуларына әзерләү;
2. бүгенге җәмгыятьтә интеллект һәм мәгълүматны беренче урынга кую идеяләрен алга этәрү;
3. Сәләт хәрәкәтендә катнашучы балаларда мәкаләләр язу һәм иҗтимагый активлык дәрәҗәсен арттыру;
4. w:tt:Татарстан Республикасы яшь лидерларында позитив иҗтимагый һәм профессиональ имидж булдыру.

Команда

Җитәкчеләре

• 2016-2017 уку елы: Фәрһад Фаткуллин
• 2017-2018 уку елыннан: беренче сессиясен бердән-бер тәмамлаучысы Тимерхан Шәйхетдинов
• 2019-2020 уку елыннан: 2018 елның язгы сессиясенең юниорлар бәйгесенең җиңүчесе Хабиль Сахабиев

Остазлар

Викимедиа проектларында катнашучыларның эшләрен күзәтеп тикшерү максатыннан Остазлар шурасы булдырыла. Аның составы «Сәләт» ТРЯИФ генераль директоры тарафыннан раслана. Остазлар шурасы составына филология фәне белгечләре, Викимедиа проектларының тәҗрибәле кулланучылары, мәгариф хезмәткәрләре керә. Остазлар шурасы өстәмә рәвештә проектның конкурсларында махсус бүләкләр һәм номинацияләр билгели ала.

Кулланма-белешмәлекләр

Ярдәмче материалларны w:tt:Википедия:Ярдәм бүлегеннән табып була. Өстәмә ярдәм кирәк булганда, сораулар бирү алачыгыбызга рәхим итегез.

Махсус чаралар

• Биләр мастер-классы (коралларсыз узды)
• Биләр фокус-группасы (планда)

Эшчәнлек үрнәге

w:tt:Татар Википедиясе кырларында

1. Катнашучылар хисап язмасын теркәгәч (теркәлү турында) үзләренең катнашучы битләренә {{Сәлкеш}} һәм {{Сәләт викимәктәбе катнашучысы}} өлгеләрен өсти ала.
2. Инструктор язган мәкаләләргә үзгәртүләр кертүдән башлау:
   1. грамматик-стилистик хаталарны төзәтү,
   2. кертелгән мәгълүматларны шик астына кую (искәрмәләр белән дәлилләнмәгән җөмлә яки фраза артына {{чыганак юк}} калыбын урнаштыру)
   3. башка якларны тасвирлаучы текстны өстәү һәм абруйлы чыганакларга сылтама урнаштырып дәлилләү,
   4. мәкаләнең бәхәс бите ярдәмендә консенсус эзләү тәртипләре белән танышу,
   5. исемнәре хаталы булган мәкаләләрнең исемнәрен үзгәртеп саклау.
3. Булырга тиешле мәкаләләр исемлеге белән танышу:
   1. татар телендә әлегә булдырылмаганнары өчен татар исемнәрен билгеләү,
   2. язылмаганнардан берәүне булдыру.
4. Википедия мәкаләләрен викиләштерү, бүлекэче һәм бүлекара мәкаләләр челтәренә кертү, төркемләү һәм кулланылган чыганакларны күрсәтү.
5. Призлар тәкъдим ителгән халыкара бәйгеләрдә катнашу яки шәхсән кызыктырган темаларны Вики-мохит мөмкинлекләрен кулланып популярлаштыру.

Шулай ук карагыз

• Сәләт ВикиМәктәбенең Сәләт рәсми сайтындагы сәхифәсе
  • русча